Ds Johr geit z Änd u d Fälder lige abgärntet im Näbel, wo sich über ds Land schlycht. Das isch d Zyt vo de Gschichte! Gschichte, wie se ds Läbe schrybt.
O hüt no herrscht im Stall e bsunderi, ruehegi u fridlechi Atmosphäre. D Outorin, wo Büürin isch, erinneret sech a die Zyt, wo si no Chüe gha hei, wo ihre Maa vo Hand gmulche het u immer wider Chind i Stall sy cho luege. Si verzellt vom Läbe im Burehuus u im Dorf, vo Begägnige mit em Tierarzt oder mit junge Müetere u erinneret sech a ds nid immer eifache Zämeläbe vo verschidene Generatione. Derby gspürt me i dene Gschichte e grossi Zueversicht.
D Elisabeth Zurbrügg isch e bekannti Bärndütschoutorin us em Bärner Seeland u het wider e bsundere Gschichtechratte parat.
| ISBN | 9783855804597 |
|---|---|
| Erschienen | 2008 |
| Autoren | Zurbrügg Elisabeth |
| Verlag | Blaukreuz Bern |
| Genre | Unklassifizierbar |
| Ausgabe | Hardcover |
Suchen beiAmazonThaliaAnzeige — für Käufe über diese Links erhalten wir eine Provision. Für dich ändert sich der Preis nicht.
