Bäre si gmögegi, bhäbigi u gmüetlechi Tier u stö für e Kanton Bärn. Es isch dä Kanton mit em beliebte Bärndütsch. Vil verschideni bärndütschi Gschichte vo underschidleche Outorinne u Outore finde sech i däm Buech. Da isch äbe o d Gschicht über die Frou, won e ganz e bsunderi Liebi für Bäre het u e grossi Schar vo dene Bärner Wappetier im Garte het. Erinnerige a früecher, wär het se nid! I eire Gschicht siniert e Outorin ihrer Chindheit nache u zeigt d Läbenswäge vo zwone Fründinne uf. Anderersits vernäme mir vo wunderbare Naturbeobachtige u vom büürleche Läbe. wi isch es, we me vom Vatter uus unbedingt söt Buur wärde u me aber vil lieber öppis anders miech?
Touchet y i die farbegi Gschichtewält, lehret ds Läbe vo verschidene Mönsche u Tier kenne. „Bäreliebi“ isch es Buech, wo vil Wermi git!
Es si sächzä nöii Gschichte u Gedanke i däm Buech versammlet.
| ISBN | 9783855804566 |
|---|---|
| Erschienen | 2008 |
| Autoren | Heinz Stauffer, Lepperhoff Lars, Ueli Tobler, Berger-Gerber Anna, Schüpbach Petra |
| Verlag | Blaukreuz Bern |
| Genre | Unklassifizierbar |
| Ausgabe | Hardcover |
