In’n Summer winn de Earbeern un Kassbeern, de Stikkelbeern un Jehannsbeern riep weuern, harn wü Kinner jeden Dach an de Elv to don. Wü stoppeln denn de Körben an’n Damm un upenanner un leupen twüschen Damm un Hus hin un hear, bit ok de letz Korw up’n Stopel stünn. Uns Noberslüüd, all de, de sünst dan ganzen Dach ton Plücken up’n Felln weuern, harn nu een halw Stünnen Tied, bit de Schipper keum. Wü Kinner seten in’n Gras un kregen lange Oern. De Groten vertellten sick wat, wat eben Grote sick so vertellt, winn se bi’naner stoht. Un wenn se dinn mitenmol alltohop ludhals loslachen un losjuchen dehn, dinn höbt wü jümmer mitlacht. – Verstohn harn wü nix!
| ISBN | 9783880421998 |
|---|---|
| Erschienen | 1983 |
| Autoren | Schweitzer Willy F |
| Verlag | Husum Druck- und Verlagsgesellschaft |
| Genre | Unklassifizierbar |
| Ausgabe | Hardcover |
Suchen beiAmazonThaliaAnzeige — für Käufe über diese Links erhalten wir eine Provision. Für dich ändert sich der Preis nicht.
